Adriana Hoxhiq emërohet Ministre e Administrimit të Pushtetit Lokal

Adriana Hoxhiq emërohet Ministre e Administrimit të Pushtetit Lokal
Kryeministri Ramush Haradinaj, ka emëruar Adriana Hoxhiçin ministre të Ministrisë së Administrimit të Pushtetit Lokal.
“Sot emërova Adriana Hoxhiç, ministre të Ministrisë së Administrimit të Pushtetit Lokal, e cila shquhet për angazhimin e saj për të mirën e të gjithë qytetarëve të Kosovës. Është i njohur gjerësisht kontributi i saj në krijimin e urave të komunikimit dhe mirëbesimit ndërmjet komuniteteve të Kosovës”, tha sot Haradinaj.
Adriana Hoxhic, para se të emërohet në postin e ministres ka qenë Drejtoreshë e Administratës në Komunën veriore të Mitrovicës.
Emërimi i saj në këtë pozitë vjen pasi kreu i qeverisë e shkarkoi  ministrit të Administratës së Pushtetit Lokal, Ivan Teodosijevic, për shkak të “gjuhës së urrejtjes dhe deklaratave të papranueshme”.
Ndërsa dy javë më parë u shkarkua edhe zëvendësministrja e drejtësisë, Vesna Mikiç,
Të dy ish zyrtarët e qeverisë së Kosovës mohuan krimet e Serbisë gjatë luftës së viteve 1998 dhe 1999 ndërsa akuzuan shqiptarët si terroristë dhe shpikje të masakrave për të nxitur bombardimet e NATO-s ndaj forcave serbe.
Beogradi i cilësoi shkarkimet si shkelje të lirisë së fjalës dhe trysni mbi pjesëtarët e komunitetit serb dhe ritheksoi mohimin e krimeve të kryera nga forcat serbe në Kosovë.
Zëvendëskryeministri Enver Hoxhaj, tha të enjten se deklarimet e tilla duhet të dënohen me ligj, ashtu siç ndodhë edhe në vendet perëndimore./Ibna/